“Бишкек эркин иқтисодий ҳудудида” бир марталик юзқоп ишлаб чиқарувчи цех очилди. Корхонани очилиш маросимида бош вазир ўринбосари Аида Исмаилова иштирок этганини ҳукуматнинг матбуот хизмати маълум қилди.
Корхона 160 минг АҚШ долларига баҳоланган ускуналар билан таъминланган. Ишлаб чиқаришнинг кўлами таҳминан кунига 50-60 минг дона юзқоп чиқаради. Юзқоплар FRR1 тури бўйича EN149:2001 оврупа талабларига жавоб беради. Юзқоп чиқаришда деярли барча жараён автоматлаштирилган.
Қирғизистонда илк бора тожливирус қайд қилинган вақтда юзқоп танқислиги вужудга келган эди. Бу ҳолатни тадбиркорлар ташқаридан келаётган импортнинг тўхтагани билан боғлаган эди.
